07:38 11 июня 2013 г.
"Прогресс" акционерсен хупă обществинче нумай çул ỹсекен курăксене пĕрремĕш хут çулнинчен агротехника хушнă чи лайăх вăхăтра 200 тоннăна пахалăхлă утă хатĕрлесе хăварнă, хальхи вăхăтра пĕтĕм техникăна сенаж хывас ĕçе явăçтарнă. Сенаж хатĕрлес ĕçе мĕнле йĕркеленипе тĕплĕнрех паллашас шутпа Петр Скворцов директорпа пĕрле тĕп специалистсем Ĕнел бригадинче пулса курчĕç. Валерий Охотин, Дмитрий Кучков, Ефимов Владимир маларах çулнă, кушăхнă паккуссенчи курăка тураса вĕтетеççĕ. Вĕсем пурте тенĕ пекех _ ĕçре пиçĕхнĕ механизаторсем, çавна май хăйсене çирĕплетсе панă агрегатсене тухăçлă тата кăлтăксăр ĕçлеттереççĕ. Александр Егоровпа Андрей Смирнов, Сергей Муллинпа Николай Романов, Алексей Колсанов водительсем хатĕр сенажа ферма çывăхĕнчи траншейăна турттараççĕ. Александр Николаевпа Юрий Гаврилов механизаторсем ăна пусăрăнтарнă çĕрте тимлеççĕ.
Сенаж хатĕрлес ĕç хĕрсе пырать.
ЗАО “Прогресс” Яльчикского района