09:09 28 октября 2014 г.
"Прогресс" акционерсен хупӑ обществин ӗҫченӗсене, тивӗҫлӗ канури хисеплӗ ватӑсене!
Сире пурсӑра та професси уявӗпе - Ял хуҫалӑхӗнче тата продукци тирпейлекен промышленноҫра ӗҫлекенсен кунӗ ячӗпе чун-чӗререн саламлатӑп!
Сирӗн иксӗлми ӗҫченлӗхӗрпе, ҫирӗплӗхӗрпе чӑтӑмлӑхӑра пула пысӑк лаптӑкра - 1860 гектар ҫинче ҫитӗннӗ пӗрчӗллӗ тата пӑрҫа йышши культурӑсене кӗске вӑхӑтра пухса кӗртме тата фермӑсенчи выльӑх - чӗрлӗхе хӗл кунӗсенче тӑрантарма ытлӑн-ҫитлӗн апат никӗсӗ хывса хӑварма пултартӑмӑр. Ҫитес ҫулхи тыр-пул никӗсӗ те ҫирӗп. Кӗрхи культурӑсене чи лайӑх вӑхӑтра 1000 гектар ҫинче акса хӑварма пултартӑмӑр.
Уяв ячӗпе саламласа сире малашне те пысӑк ҫитӗнӳсем тума, ҫирӗп сывлӑх, тулли телей сунатӑп!
П.А. Скворцов, обществӑ ертуҫи
ЗАО “Прогресс” Яльчикского района